E fāna’o rahi, nō te ta’ata tāta’i tahi, te ha’apararera’a e te fa’a’ohipara’a o te reouira REO i te mau taime ato’a e te vāhi ato’a.

E ta’ahira’a mātāmua teie i roto i te tau o te tānūmerara’a. E rave’a ho’i e te’ote’o ai te u’i ’āpī i te ti’a mai i roto i tāna peu tumu, ma tōna iho tumu, e tei hotohoto te ’ā’au i te reo i te ’apo ā i te ta’o ia ’ī tōna vārua e te ‘ā’au.

E ’ūputa matara o REO i ni’a i te ao e ’itehia mai ai te mau ta’o e te huru ferurira’a a te Mā’ohi.

Nā roto i te fa’a’ohipara’a o te mau ravera’a ’āpī o te ’āparaura’a, e fāna’o ta’a’ē teie nō te nūna’a ta’ata o te va’a i te fano nā roto i te tau e te reva teitei.

A te’ote’o ana’e i tō tātou hīro’a mā’ohi e te tutu’u o tō tātou reo. A ’ōpere ana’e i teie reo iti, ia hotu ā e ia vai ā i te vaira’a.

A mau i tā ’oe hoe e a pēperu i teie va’a iti ’āpī…

Heremoana MAAMAATUAIAHUTAPU
Fa’aterehau nō te Ta’ere ti’a’au i te fa’ahotura’a i te mau reo